பெண்கள் அதிகம் சிரிப்பது ஏன்?

அவள் புன்னகை என்னை ஈர்த்தது’. இப்படிச் சொல்லும் ஆண்கள் ஏராளம். சிரிப்பு மனிதனுக்கு அழகு. அதிலும் பெண்களின் சிரிப்புக்கு ஈர்ப்பு அதிகம்.

சின்ன சந்தோஷம் தரும் விஷயமாக இருந்தாலும் பெண்கள் நீண்ட நேரம் சிரித்துக் கொண்டிருப்பார்கள். அவர்கள் ஏன் அப்படி இடைவிடாமல் சிரிக்கிறார்கள் என்று ஒரு ஆய்வு நடத்தப்பட்டது. ஆய்வாளர்கள் என்ன கூறுகிறார்கள் தெரியுமா…

கலிபோர்னியாவில் உள்ள ஸ்டேன்போடு பல்கலைக்கழகம் இந்த ஆய்வை மேற்கொண்டது. 10 ஆண்களையும் 10 பெண்களையும் தேர்வு செய்து கார்ட்டூன் படங்களைக் கொடுத்து ஆய்வு செய்யப்பட்டது. அவர்களின் மூளையில் ஏற்படும் மாற்றங்களும் கண்காணிக்கப்பட்டது.

கார்ட்டூன் படத்தில் இருந்த பஞ்ச்’ வசனம் அவர்களின் சிந்தனையைத் தூண்டி சிரிப்பை வரவழைத்தது. இதில் பெண்கள் நீண்ட நேரம் சிரித்தபடி இருந்தனர்.

இதற்கு அவர்களின் மூளையில் ஏற்படும் மாற்றங்கள் காரணமாகும். அதாவது பெண்களின் மூளையின் கார்டெக்ஸ் பகுதிக்கு முந்தைய அடுக்கு இதில் முக்கிய பங்காற்றுகிறது. அவர்களின் மூளை விவேகமாக செயல்படுவதுடன் அதிக எதிர்பார்ப்பின்றி இருக்கிறது. எனவே இயல்பான ஜோக்குகள் கூட அவர்களுக்கு விசேஷமாகத் தெரிகிறது. இதனால் எளிதில் சிரிப்பைத் தூண்டி விடுகிறது. அத்துடன் பஞ்ச்’ வசனங்கள் மகிழ்ச்சியைத் தருவதாக அமைந்துவிட்டால் விடாமல் சிரிப்பை வெளிப்படுத்துகிறார்கள்.

பொதுவாக ஆண்களின் சிரிப்பானது தன்னை முன்னிலைப்படுத்தும் வகையில் அமைகிறது. பெண்கள் சிரிப்பானது உறவை வளர்க்கும் விதமாகவும் பிறரை நோகச் செய்யாமல் இருக்கும் வகையிலும் அமைகிறது என்கிறது ஆய்வு. பிறர் நோகாமல் சிரியுங்கள் நோயின்றி வாழுங்கள்!

படிப்பதா, வேலைக்கு போவதா? மூளை ஸ்கேனில் தெரிந்துவிடும்...


எது படிப்பது? என்ன பிசினஸ் செய்வது? எந்த கம்பெனியில் வேலைக்கு போவது என முடிவு செய்ய முடியாமல் திணறுகிறீர்களா? உடனே டாக்டரிடம் மூளையை ஸ்கேன் செய்யுங்கள். எதில் நீங்கள் கில்லாடிகள் என்று தெரிந்துவிடும்.



மூளை செயல்பாடுகள் குறித்து அமெரிக்காவின் கலிபோர்னியா பல்கலைக்கழகத்தின் நரம்பியல் துறை பேராசிரியர் ரிச்சர்ட் ஹயர் தலைமையில் சமீபத்தில் ஆய்வு நடத்தப்பட்டது. 6 ஆயிரம் பேரின் மூளை அமைப்பு, அவர்களது அறிவாற்றல் ஆகியவை குறித்து அலசப்பட்டது.

இதில் தெரியவந்த தகவல் குறித்து ரிச்சர்ட் கூறியதாவது: மூளையின் கார்டெக்ஸ் பகுதியில் இருக்கும் ‘பிராட்மேன் ஏரியா’ என்ற இடத்தை பொருத்துதான் ஒருவரது அறிவாற்றல் அமைகிறது. எதையும் விரைவாக முடிவெடுக்கும் தன்மை, சட்டென புரிந்துகொள்ளுதல், நினைவாற்றல் ஆகியவை இப்பகுதியின் அடிப்படையிலேயே அமைகிறது. இந்த இடத்தில் வெள்ளை நிற, சாம்பல் நிறப் பகுதிகள் எந்தளவு உள்ளன, எந்த ஏரியாவில் அமைந்துள்ளன ஆகியவற்றுக்கும் நமது அறிவாற்றல் மற்றும் நாம் திறம்பட செயல்படும் துறைகளுக்கும் நெருங்கிய தொடர்பு உள்ளன.

6 ஆயிரம் பேரிடம் நடத்திய ஆய்வில் இது தெளிவாக தெரிகிறது. ஸ்கேன் செய்தால் இதுபற்றி தெரிந்துகொள்ள முடியும். இவ்வாறு ரிச்சர்ட் கூறினார். ‘‘வெளிநாடு போகும் யோகம் உண்டா? கல்வி, தொழிலில் வளர்ச்சி பெற முடியுமா?

இங்கு மூளை சாஸ்திரம் பார்க்கப்படும்’’ என்று டாக்டர்கள் போர்டு போட்டுக் கொண்டு உட்காரலாம் போலிருக்கிறது.....

நன்றி : http://www.dinakaran.com